Tsokaci Game Da Chrismas: By Ustaz Abdurrahaman Muh'd Sani

-
TSOKACI GAME DA CHRISTMAS
___________________
___________________

Bikin Christmas shine shine biki ko idi na biyu bayan bikin Easter [1] a addinin Kiristanci, suna yinsane domin Murnar haihuwar Annabi Isa as.

Duka kungiyoyin kiristoci sun amshi wannan bikin suna kuma yinsa, sai dai akwai sabani tsakaninsu akan yaushene, a wurin masu bin Gregorian Calendar[2] 25 ga watan December, a wurin mabiya Julian Calendar [3] kuma 7 ga watan January.

Wannan bikin ba'a farashi ba sai a shekara ta 325 C.E aka kirkireshi aka misanyashi da bikin maguzancin da Rumawa suke a daidai wannan ranar, hakan ta farune a wannan shahararren taronan da ake kira da firts council of Nicaea, wanda a wannan taron ne suka aka tabbatar da Allantakar Annabi Isa As, duk da cewa mafi yawan malamansu na lokacin sun ki yarda da hakan Amma kasancewar wannan shine ra'ayin sarkin Rumawa na lokacin wato Emperor Constantine The Great aka zartar da hakan.

Kamar al'adar ko wane kagaggen abu haka aka shiga yiwa wannan bikin kare-kare kamar tsohon da mai jajayen kaya da yake yawo yana bawa yara kyautuka wanda ake kira da Santa Claus wand asalinsa wani pastor ne da akayi a baya, da kuma bishiyar biki wato Christmas Tree wanda ta samu asaline daga bukukuwan fir'aunonin Masar da al'umomin Yankin Gabas ta tsakiya na da da kuma maguzawan Germany wanda da suka tashi shiga kiristancine suka shigo da ita, hakanan raba kyauta kuma ya samo asaline daga wani bikin maguzanci na godiya da Rumawa suke yiwa wani abin bautarsu da suke kira da Saturlinia

Malaman Muslunci na mazhabobi guda 4 sun tafi akan haramcin aiwatar da wannan biki ko taya kiristoci murnar wannan biki kasancewar kamar kara taimakonsune da goyamusu baya akan kafiricinsu da batansu wannan maganar tanan a littafan malamai a rubuce a haka kuma akayi ta tafiya babu wanda ya tafi akan sabanin haka.

A wannan zamanin kasancewar Muslmai suna fama da rauni da kuma karfin tasiri da ruwada da wayewar Turawan Yamma aka samu wasu suna kokarin hallata taya kiristoci muranar wannan rana harma da taimakonsu duk da sunan zamantar da Addini da wayewa da kuma zamana lafiya da lumana.

Lallai duk wanda ya kalli shi kansa Tarihin wannan biki da ma sauran bukukuwan addini nasu zai ga cewa a addinin kiristancin ma bashi da asali ya kuma samo asaline daga maguzanci , kuma zai ga cew su kansu sun gagara kiyaye addininsu ina kuma ballantana su kiyaye wanda suke jinginawa wannan addinin shiyasama suka tayi sabani

Hukunce-hukuncen Musulunci bana misaye bane bane don haka baya hallata taya kirisita murnar haihuwar wanda yake gani dan Allah ne ko da shi ya taya Musulmai muranar nasu Idin, domin kasancewar bamaguje ya girmama masallaci ba shi zai sa ka girmama Gunki ba, kasancewar An hallatawa muslmi ya auri bakitabiya ba shi zai sa a aurawa bakitabe Muslma ba.

Kuma Lallai mu san cewa kyautawawa da zaman lafiya baya nufin mu saki addinin mu mu narke mu zama wasu abinda in kyautawawa ake nema da kuma zaman lafiya to abi tsarin da Muslunci ya kawo ba tsarin wasu daban ba.

=================
[1] bikine da kiristoci suke yi na tashin Annabi da komawa sama bayan bayan gicciyasa da binnesa da kwana 3

[2] Gregorian Caledar itace wacce Kiristocin Yamma su Catholic da Protestants suke

[3] Julian Calendar itace wacce kiristocin Gabas suke bi kamar su Orthodox tana bayan Gregorian Calendar da kwana 13.

Comments

Post a Comment

Rubuta "comment" Anan

Popular posts from this blog

MEKE FARUWA A KANO: By Dr. BELLO GALADANCHI KANO

-
Image
Assalamu alaikum. Yau ina so nayi kira ga jama’a a goya mun baya a sabuwar gwagwarmaya domin neman amsa da jawo hankula dangane da yawan rashe-rashe da ake fama da shi a Kano a halin yanzu. A cikin awa 24 kacal, na rasa yan uwa sun fi hudu, sannan a shafin facebook na ga sanarwa sun fi ashirin na rasuwa daga jama’a daban daban, kuma duk a Kano. A makon baya, mun rasa matar ma’aikacin gidan mu, kuma an kira NCDC wato Hukumar Yaki da Cututtuka masu Bazuwa, da ta zo ta duba, amma tayi kunnen uwar shegu har washe gari. Gwamnatin Kano tace karya ne, babu mace mace kuma ta saka hannu akan dokar hukunta duk wanda ya yada jita-jita. Wadanda suka rasu kawai binne su ake yi ba tare da an san mene ne takamai-mai ya same suba. Muna so mu jawo hankalin duniya akan wannan lamari. Ya kamata a yi wani abu akai. Kar muyi shiru, mu zo muna da na sani. Abun ya fara yawa, kuma wa ya san inda zai tsaya? -Mene ne amfanin ilimin mu idan baza mu iya banbance gaskiya da karya ba? -Mene ne amfanin hankal...
Read more

Shin Ya dace Bulama Bukarti Ya kira abinda Bauchi state Governor ya fada da wawanci? By: Muhammad Shu'aibu Gunda

-
Image
Ba ina kushe Bulama Muhammad Bukarti ba! Amma irin furcin da yayi Akan, Sen, Bala Muhammad. Abin ya bakan tamin rai gaskiya! Taya za'ace gomnati ta kasa daukar mataki akan al'ummar ta.  Sai su kuma sauran da ake zalunta sukasa kare kan su? Wato so ake aita kashe su? Dan Allah fah! Sufa Yan kudancin ƙasar nan ba son mu suke ba, kawai ba abinda Suka iya ne shi yasa. Amma yanzu, Mu dauki misali ka gani a (Arewa) Mukan basu aiki a ma'aikatun mu, Amma shin su suna iya ɗaukan mu A tasu ma'aitun na jaha aiki?  Ka duba kwanaki baya a nan jahar mu ta *Borno* ai zulum: ya bawa wata yar jahar su cheque na kuɗi Saboda tana aikin koyar wa a jahar. Gashi jiya ma ya bawa wani kudi da Mota, kuma shima ɗan yanki nasu. Amma da wahala kaga ɗan Arewa ya samu aiki da gomnati jaha a yankin su, wannan kaɗai ya isa nuna cewa mu Yan Arewa muna,  Son hadin kan ƙasa.   Hakki ne akan gomnatoci kare rai duk wani ma zaunin yanki su. Amma shi Ortom din baya haka.  INA GOYON B...
Read more

WAIWAYE ADON TAFIYA (4) by USTAZ ABDURRAHAMAN MUH'D SANI RIJIYAR LEMO

-
Image
Akwai fa'idah daure ka karanta harkarshe. WAIWAYE ADON TAFIYA (4) ____________________________ ____________________________  A watan da ya gabata ne Musulmai kimanin mutun 51 suka rasa rayukansu, sama da mutum 20 kuma suka ji rauni bisa wani mummunar hari da wani dan ta'adda ya kaiwa Musulman a kasar New Zealand, an yi ta rubuce rubuce akan batun sai dai banga wanda yayi cikakken bayani game da wasu alamu da suka bayyana na wasu sunaye da shekaru da wanda ya aiwatar da ta'addancin ya rubuta a jikin Makaminsa ba, da kuma videon da ya dauka da kansa, hakan tasa naga yakamata in yi tsokaci  akansu wasu daga ciki da kuma sakwannin da suke isarwa. 1- Wakar Serbia Strong: ko Remove the Kebab itace wakar da ya kunna a farkon videon da ya dauka da hannunsa a hanyarsa ta zuwa aiwatar da ta'addancinsa. Waka ce da wasu sojojin Serbia sukayi ta don karfafa gwiwar 'yan uwansu sojoji a yakinsu da Bosnia da kuma neman yardar Radovan Karadžić wanda ya jagoranci yiwa Musulma...
Read more