SALLAR IDI DA WASU HUKUNCE-HUKUNCEN SA BY SHEIKH ALIYU SA'ID GAMAWA

-
*SALLAR IDI DA WASU HUKUNCE-HUKUNCENSA !!!*
.
*SALLAR IDI:* Sunnah ce mai qarfi akan wanda sallar jumma'a ke wajaba akansa wato mace ko namiji baligi, mai hankali, lafiyayye daga dukkanin cututtuka ko uzurori masu hana shi halartar sallar idi.
.
*LOKACIN SALLAR IDI:*
.
Lokacin sallar idi yana farawa ne a lokacin da rana ta 6ullo tayi sama, gorgodon tsawon mashi d'aya ko biyu, kuma yana qarewa kafin rana ta karkata daga tsakiyar sama wato kafin lokacin sallar azahar.
.
*WAJEN DA YAKAMATA AYI SALLAR IDI:*
.
Yana daga Sunnah musulmai suyi sallar idi awajen gari (wato bayan gari) idan har hakan zai yuwu ba tare da wata Matsala ba.
.
Manzon ALLAH (Sallallahu Alaihi Wasallam) Ya kasance yana barin masallacinsa ya fita zuwa daji tare da mutane yayi sallar idi tare dasu. Duk da kasancewar masallacinsa yafi ko ina falala a garin madina.
.
Abu-sa'id Alkhudri yace: "Manzon ALLAH (Sallallahu Alaihi Wasallam) Ya kasance yana fita bakin daji a sahara ranar Idul Fidr da Idul Adhaa zuwa masallaci, sallah ita ce farkon abunda yake fara yi" [Bukhari da Muslim @kitabus siyaam]
.
*ABUBUWAN DA SUKA KE'BANTU GA SALLAR IDI:*
.
1• *ADADIN RAKA'O'IN SALLAR IDI DA KABBARORINTA:* Sallar idi raka'ah biyu ce , za'ayi kabbara bakwai kafin fara karatun liman a raka'ah ta farko, a raka'ah ta biyu kuma za'ayi kabbarori biyar bayan kabbarar tsayuwa.
.
Saboda abunda yazo daga Dan Umar (RA) yace: " Na halarci sallar idul fidr da idul Adha tare da Abu-hurayrah (RA) sai yayi kabbarori bakwai a raka'a ta farko kafin ya fara karatu, a raka'a ta biyu kuma sai yayi kabbarori biyar kafin ya fara karatu"
.
2• *QIRAN SALLAH KO TADA IQAMAH A SALLAR IDI:* sallar idi bata da qiran sallah ko iqamah, Ijma'in malamai ya tabbatar da wannan. Saboda fadar Abdullahi Dan Abbas da Jabir Dan Abdullahi (RA) sunce: Manzon ALLAH (Sallallahu Alaihi Wasallam) bai ta6a yin qiran sallah ko iqamah ba a sallolin idi" [Bukhari da Muslim daga Hadithin Dan Abbas]
.
3• *KARATUN SALLAR IDI*: Bayan karatun Fatiha liman yana da damar ya karanta abinda yake so na Alqur'ani a sallar idi bisa ijma'in malamai.
.
Saboda ALLAH (SWT) Yace: "ku karanta abunda ya sauqaqa agare ku daga cikin alqur'ani".[Surah 73:20]
.
Hadith yazo daga Manzon ALLAH (Sallallahu Alaihi Wasallam) Ya kasance yana karanta suratul A'ala a raka'a ta farko, a raka'a ta biyu kuma suratul Ghashiyah" kuma ya inganta cewa wani lokaci yana karanta suratul Qaaf a raka'a ta farko, a raka'a ta biyu kuma suratul qamar [Ahmad, Dabarani da Muslim sun ruwaito shi daga Hamza Dan jundubi]
.
4• *HUDUBAR SALLAR IDI:* Yin hud'uba a sallar idi Sunnah ce haka sauraron hud'ubar ma Sunnah ce, ana yinta ne bayan an idar da sallar. Kamar yadda hadisin Abu sa'id Alkhdri ya tabbatar cewa:..... "_sannan bayan sallah mutane na Zaune a sahu sai Manzon ALLAH (Sallallahu Alaihi Wasallam) Ya juyo ya fuskance su yayi musu wa'azi da wasiyya sannan yayi musu umurni da alkhayri da hani ga miyagun ayyuka"
.
Hakanan ba a qayyade hud'ubar sallar idi ba liman yana da damar yayi hud'uba yadda ta sauwaqa.
.
5• *KABBARORI A RANAR SALLAR IDI:* kabbaori a ranar sallar ana fara sune daga bayan sallar asubah ta ranar farko ga watan Shawwal har zuwa lokacin sallar idi.
.
→Lafazin kabbarorin shine: *"ALLAHU AKBAR, ALLAHU AKBAR, LA'ILAHA ILLALLAHU, ALLAHU AKBAR, ALLAHU AKBAR, WALILLAHIL HAMDU"*
.
Ya tabbata sahabbai suna yi a ranar d'aya ga watan Shawwal da kwanaki uku bayan sallah.
.
*6• ZUWA SALLAR IDI DA DAWOWA DAGA IDI*: shine mai zuwa sallar idi ya dawo daga idi bata hanyar da yabi yaje ba, hadith ya tabbata daga Jabir Dan Abdullah (R.A)
.
*ABUBUWAN DA AKE BUQATA KAFIN ZUWA SALLAR IDI:*
.
★ Ana son ayi wanka a Sanya turare kuma ayi ado da sabbin tufafi ko kuma tufafi mai kyau koda ba sabo bane, kafin zuwa sallar idi.
.
★ Ana so aci abinci asha abunsha kafin a fita zuwa sallar idi.
.
★ Ana son ayi gaggawa wajen fitar da zakkar fidda kai kafin ayi sallar idi.
.
★ Ana so a tafi zuwa idi da qafa bada abun hawa ba sai dai idan da wani uzuri, kuma ana son a tafi zuwa idi cikin nutsuwa.
.
*ALHAMDULILLAH ALLAH YA AMSA MANA IBADUNMU YA NUNA MANA LOKACIN IDI LAFIYA (Ameen)*

Comments

Post a Comment

Rubuta "comment" Anan

Popular posts from this blog

MEKE FARUWA A KANO: By Dr. BELLO GALADANCHI KANO

-
Image
Assalamu alaikum. Yau ina so nayi kira ga jama’a a goya mun baya a sabuwar gwagwarmaya domin neman amsa da jawo hankula dangane da yawan rashe-rashe da ake fama da shi a Kano a halin yanzu. A cikin awa 24 kacal, na rasa yan uwa sun fi hudu, sannan a shafin facebook na ga sanarwa sun fi ashirin na rasuwa daga jama’a daban daban, kuma duk a Kano. A makon baya, mun rasa matar ma’aikacin gidan mu, kuma an kira NCDC wato Hukumar Yaki da Cututtuka masu Bazuwa, da ta zo ta duba, amma tayi kunnen uwar shegu har washe gari. Gwamnatin Kano tace karya ne, babu mace mace kuma ta saka hannu akan dokar hukunta duk wanda ya yada jita-jita. Wadanda suka rasu kawai binne su ake yi ba tare da an san mene ne takamai-mai ya same suba. Muna so mu jawo hankalin duniya akan wannan lamari. Ya kamata a yi wani abu akai. Kar muyi shiru, mu zo muna da na sani. Abun ya fara yawa, kuma wa ya san inda zai tsaya? -Mene ne amfanin ilimin mu idan baza mu iya banbance gaskiya da karya ba? -Mene ne amfanin hankal...
Read more

Shin Ya dace Bulama Bukarti Ya kira abinda Bauchi state Governor ya fada da wawanci? By: Muhammad Shu'aibu Gunda

-
Image
Ba ina kushe Bulama Muhammad Bukarti ba! Amma irin furcin da yayi Akan, Sen, Bala Muhammad. Abin ya bakan tamin rai gaskiya! Taya za'ace gomnati ta kasa daukar mataki akan al'ummar ta.  Sai su kuma sauran da ake zalunta sukasa kare kan su? Wato so ake aita kashe su? Dan Allah fah! Sufa Yan kudancin ƙasar nan ba son mu suke ba, kawai ba abinda Suka iya ne shi yasa. Amma yanzu, Mu dauki misali ka gani a (Arewa) Mukan basu aiki a ma'aikatun mu, Amma shin su suna iya ɗaukan mu A tasu ma'aitun na jaha aiki?  Ka duba kwanaki baya a nan jahar mu ta *Borno* ai zulum: ya bawa wata yar jahar su cheque na kuɗi Saboda tana aikin koyar wa a jahar. Gashi jiya ma ya bawa wani kudi da Mota, kuma shima ɗan yanki nasu. Amma da wahala kaga ɗan Arewa ya samu aiki da gomnati jaha a yankin su, wannan kaɗai ya isa nuna cewa mu Yan Arewa muna,  Son hadin kan ƙasa.   Hakki ne akan gomnatoci kare rai duk wani ma zaunin yanki su. Amma shi Ortom din baya haka.  INA GOYON B...
Read more

WAIWAYE ADON TAFIYA (4) by USTAZ ABDURRAHAMAN MUH'D SANI RIJIYAR LEMO

-
Image
Akwai fa'idah daure ka karanta harkarshe. WAIWAYE ADON TAFIYA (4) ____________________________ ____________________________  A watan da ya gabata ne Musulmai kimanin mutun 51 suka rasa rayukansu, sama da mutum 20 kuma suka ji rauni bisa wani mummunar hari da wani dan ta'adda ya kaiwa Musulman a kasar New Zealand, an yi ta rubuce rubuce akan batun sai dai banga wanda yayi cikakken bayani game da wasu alamu da suka bayyana na wasu sunaye da shekaru da wanda ya aiwatar da ta'addancin ya rubuta a jikin Makaminsa ba, da kuma videon da ya dauka da kansa, hakan tasa naga yakamata in yi tsokaci  akansu wasu daga ciki da kuma sakwannin da suke isarwa. 1- Wakar Serbia Strong: ko Remove the Kebab itace wakar da ya kunna a farkon videon da ya dauka da hannunsa a hanyarsa ta zuwa aiwatar da ta'addancinsa. Waka ce da wasu sojojin Serbia sukayi ta don karfafa gwiwar 'yan uwansu sojoji a yakinsu da Bosnia da kuma neman yardar Radovan Karadžić wanda ya jagoranci yiwa Musulma...
Read more